میلاد مصطفے فی شرف حبیب کبریاءقسط نمبر 1/مولانا عبدالواحد قاضی مرحوم ومغفور

          

                                    بسم الله الرحمن الرحيم

قرآن عزیز نے دعائے ابراھیم علیہ السلام کا ذکر اس طرح کیا ۔۔              ۔

ربنا وابعث فيهم رسولا منهم                ا ے ہمارے پروردگار!ان اہل عرب میں سے ایک رسول بھیج 

                              جو ان ہی میں سے ہو

                                            يتلوا عليهم أيتك                                                                                جو ان پر تیری آیات پڑھے  

يعلمهم الكتب والحكمة ويزكيهم                                       اوران کوکتاب سکھائے اور حکمت سکھائے

 انك انت العزيزالحكيم                                                               بیشک توغالب اورحکمت والا ہے

اللہ تعالی نے حضرت ابراہیم علیہ السلام کی یہ  دعا  بھی قبول فرمالی جب کہ خانہ کعبہ کی دیواریں     حضرت اسمعیل اور حضرت ابراہیم علیھما السلام  اٹھا رہے تھے ۔ایک مرتبہ خود نبی کریم صلی اللہ علیہ وسلم  نے اس ہی بشارت کی طرف  اشارہ کرتے ہوئے فرمایا

دعوة ابي ابراهيم وبشرى  عيسى  میں اپنے باپ ابراہیم کی دعا ہوں اور حضرت عیسی علیہ السلام کی بشارت ہوں۔یعنی دعا خلیل علیہ السلام اور نوید مسیح  علیہ السلام

                  

        ،۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نبی کریم صلی اللہ علیہ وسلم کی پیدائش کے متعلق مختلف روایات

صبح سعادت   : تاریخ ادیان اور ملل شاہد  ہے کہ حضور صلی اللہ علیہ وسلم  کی پیدائش کے وقت  حضرت عیسی  علیہ السلام کے ظہور پر تقریبا چھ صدیاں گزر چکی ہیں اور بستی عالم خدا کے پیغمبروں کی معرفت حاصل کی ہوئی صداقت حق کو فرامو ش کرچکا ہے۔ تمام کائنات انسانی خداپرستی کے بجائے مظاہر پرستی میں مبتلا ہے اور ہر ملک میں نوع انسانی سے لے کر نوع جمادات تک کی پرستش  سرمایہ نازش بنی ہوتی ہے۔ کوئی انسان کو اتار  یعنی خدا کہ رہا ہے  توکوئی  خدا کا بیٹا، کوئی سورج کی پوجا کر رہا ہے تو کوئی چاند اور ستاروں کی پوجا ،غرض کہ کائنات کی ہر شے پوجا کے لائق ہے اور نہیں ہے تو صرف وحدہ لاشریک کی پرستش نہیں ہے۔

      نہ اس کی احدیت کا تصور خالص ہے اور نہ صمدیت کا۔اگر خدا کی ذات کومانا بھی جاتا ہے تو دوسروں کی پرستش اور عبادت کے ذریعے،،

عبادت کے ذریعے سرمایہ  سعادت خالق کائنات سے بیگانگی تھی مگر مخلوقات کی عبادت  گزاری شعار عام  تھی اور صرف یہ جواب تھا

مانعبد ھم الا لیقربونا الی اللہ زلفی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔                                               

یہی وہ تاریک دور تھا جس میں سنتہ اللہ یعنی خدا کے قانون  ہدایت  وضلالت نے ماضی کی تاریخ کو پھر دہرایا اور غیرت حق نے فطرت کے قانون  ردعمل کو حرکت دی یعنی آفتاب  ہدایت برج سعادت سے نمودار ہوا۔ اور چہار جانب چھائی ہوئی شرک و جہالت  اور رسم ورواج کی  تاریکیوں کو فنا کرکے عالم ہست وبود کو علم ویقین کی روشنی سے منور کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔                                  ۔